ធ្វើយ៉ាងណាអាចក្លាយជាកីឡាករបាល់ទាត់អាជីពនៅកម្ពុជា?

តើខ្ញុំអាចក្លាយជាកីឡាករបាល់ទាត់អាជីពបានយ៉ាងដូចម្តេច?

បាល់ទាត់ជាកីឡាមួយដែលត្រូវការកំលាំង ល្បឿន និងតិកនិកក្នុងការទាត់។ ដូច្នេះអាយុជាចំនែកមួយសំខាន់ដែរសំរាប់កីឡាករ។ ប្រសិនបើអ្នកអាយុច្រើនពេលចាប់ផ្តើមដំបូលចូលវិស័យបាល់ទាត់ វាអាចប៉ះពាល់ការលេងដោយត្រូវរត់ពេញទីលានបាល់ទាត់ដ៏ធំចុះឡើងៗ។ ប្រសិនបើយុវជនឆាប់ចាប់ផ្តើមចូលវិស័យបាល់ទាត់ពេលអាយុនៅតិច គេអាចមានពេលវេលាច្រើនក្នុងការអភិវឌ្ឍខ្លួន និងក្លាយជាកីឡាករអាជីពបានយូរអង្វែង។ ទោះបីជាយ៉ាងណា កីឡាករបាល់ទាត់ដែលមានអាយុច្រើនឬចូលនិវត្ត៍ពីបាល់ទាត់ គេអាចចាប់យកអាជីពមួយទៀតគឺជាគ្រូបង្វឹក អ្នកបណ្តុះបណ្តាល អ្នកគ្រប់គ្រងក្លិប ឬបុគ្គលិកក្នុងក្លិបបាល់ទាត់ជាដើម។

សំរាប់បាល់ទាត់អាជីពមួយនេះត្រូវការអាយុ ពេលវេលា ទីតាំងៈ

តើអាយុអ្នកសមល្មមជាកីឡាករបាល់ទាត់ទេ?

បាល់ទាត់ជាកីឡាមួយដែលត្រូវការកំលាំង ល្បឿន និងតិកនិកក្នុងការទាត់។ ដូច្នេះអាយុជាចំនែកមួយសំខាន់ដែរសំរាប់កីឡាករ។ ប្រសិនបើអ្នកអាយុច្រើនពេលចាប់ផ្តើមដំបូលចូលវិស័យបាល់ទាត់ វាអាចប៉ះពាល់ការលេងដោយត្រូវរត់ពេញទីលានបាល់ទាត់ដ៏ធំចុះឡើងៗ។ ប្រសិនបើយុវជនឆាប់ចាប់ផ្តើមចូលវិស័យបាល់ទាត់ពេលអាយុនៅតិច គេអាចមានពេលវេលាច្រើនក្នុងការអភិវឌ្ឍខ្លួន និងក្លាយជាកីឡាករអាជីពបានយូរអង្វែង។ ទោះបីជាយ៉ាងណា កីឡាករបាល់ទាត់ដែលមានអាយុច្រើនឬចូលនិវត្ត៍ពីបាល់ទាត់ គេអាចចាប់យកអាជីពមួយទៀតគឺជាគ្រូបង្វឹក អ្នកបណ្តុះបណ្តាល អ្នកគ្រប់គ្រងក្លិប ឬបុគ្គលិកក្នុងក្លិបបាល់ទាត់ជាដើម។

តើអ្នកអាចចំណាយពេលប៉ុណ្ណាចំពោះបាល់ទាត់

តើអ្នកអាចចំណាយពេលប៉ុណ្ណាសំរាប់ការវឹកហាត់ និងលេងបាល់ទាត់? បាល់ទាត់ក៏ដូចជាកីឡាដទៃដែលតម្រូវអោយកីឡាករចំណាយពេលហ្វឹកហាត់ម្នាក់ឯងនិងជាក្រុម។ កីឡាករបាល់ទាត់ក៏ត្រូវលេងបាល់តាមកាលវិភាគក្នុងទីលានរបស់ក្លិបខ្លួន ក្រៅទឹកដី(ទីលានក្លិបដែលត្រូវប្រកួតជាមួួយ)និងពេលខ្លះត្រូវទៅក្រៅប្រទេសលេងទៀតផង។ ហេតុនេះកីឡាករបាល់ទាត់ត្រូវលះបង់ពេលវេលា និងកំលាំងខ្លួនដើម្បីអាជីពមួយនេះ។

តើអ្នករស់នៅតាមខេត្ត ឬនៅទីក្រុង?

ទីក្រុងភ្នំពេញជារាជធានីដែលប្រជុំក្លិបបាល់ទាត់ល្បីៗក្នុងប្រទេសកម្ពុជា។ ភ្នំពេញជាជម្រើសល្អមួយសម្រាប់ចាប់ផ្តើមអាជីពបាល់ទាត់ ដោយសារអ្នកអាចងាយស្រួលរកក្លិបដែលសាកសមនឹងអ្នក ហើយអាចទទួលបានព័ត៌មានឆាប់រយៈរាល់ពេលដែលមានការកោះហៅកីឡាករធ្វើតេស្តឬជ្រើសរើសកីឡាករថ្មី។ តែប្រសិនបើអ្នកមិនមានផ្ទះក្នុងទីក្រុងភ្នំពេញអាចមានការលំបាកមួយចំនួន ដែលត្រូវប្រឈម។ សំរាប់ក្លិបដែលលេងក្នុងលីកកំពូលដែលមានទីតាំងក្នុងទីក្រុងភ្នំពេញនិងតាមបណ្តាខេត្តរួមមាន៖
ទីក្រុងភ្នំពេញ៖

  • ក្លិបអាស៊ីអឺរ៉ូ
  • ក្លិបភ្នំពេញក្រោន
  • ក្លិបអគ្គិសនីកម្ពុជា
  • ក្លិបណាហ្គាវើល
  • ក្លិបវិសាខា
  • ក្លិបកងយោធពលខេមរភូមិន្ទ
  • ក្លិបនគរបាលជាតិ

តាមបណ្តាខេត្ត៖

  • ខេត្តស្វាយរៀងៈ ក្លិបព្រះខ័ណ្ឌរាជស្វាយរៀង
  • ខេត្តសៀមរាបៈ ក្លិបអង្គរថៃហ្គឺ និងក្លិបសូលទីឡូអង្គរ
  • ខេត្តតាកែវៈ ក្លិបគីរីវង្សសុខសែនជ័យ ក្លិបបឹងកេត និងសាលាបាល់ទាត់ជាតិបាទី។

តើកីឡាករបាល់ទាត់មានប្រាក់ខែប៉ុន្មាន?

ការដែលជាកីឡាករបាល់ទាត់អាជីពក៏មិនខុសគ្នានឹងការងារដទៃទៀតដែរ។ ប្រាក់ខែរបស់កីឡាករអាស្រ័យលើសមត្តិភាព បទពិសោធន៍ និងការលេងរបស់គេ។ ហើយក្នុងនោះក្លិបនីមួយៗផ្តល់ប្រាក់ខែ និងអត្ថប្រយោជន៍ខុសៗគ្នា។ ប្រសិនបើអ្នកទើបចាប់អារម្មណ៍ចង់ធ្វើជាកីឡាករបាល់ទាត់អាជីព អ្នកអាចទំនាក់ទំនងសាកសួរព័ត៌មានពីក្លិបដែលអ្នកចង់លេងអោយ។
ប្រាក់ខែកីឡាករមិនដូចគ្នាទេ ក្លិបអោយទៅតាមភាពជាក់ស្តែង បើតាមពាក្យចចាមអារាមកីឡាករឆ្នើមអាចរកបានពី៣០០ដុល្លាអាមេរិកទៅ១០០០ដុល្លាអាមេរិក។ ពួកគេអាចទទួលប្រាក់ខែបន្ថែមពីសហព័ន្ធប្រសិនបើគេត្រូវបានសហព័ន្ធកោះហៅចូលលេងអោយក្រុមជំរើសជាតិ។ គេអាចទទួលបានអត្ថប្រយោជន៍ដូចជាបន្ទប់ស្នាក់នៅ ឬអាហារប្រចាំថ្ងៃទៅតាមការចចារពេលចុះកុងត្រាជាមួយក្លិប។