សហព័ន្ធកីឡាបាល់ទាត់កម្ពុជា

សហព័ន្ធកីឡាបាល់ទាត់កម្ពុជា

សហព័ន្ធកីឡាបាល់ទាត់កម្ពុជា ត្រូវបានបង្កើតឡើងក្នុងឆ្នាំ១៩៩៣ ដោយមានឈ្មោះថាសមាគមន៍សហពន្ធបាល់ទាត់ខ្មែរ (FKFA)។

សម្ព័ន្ធភាព

សហព័ន្ធបាល់ទាត់កម្ពុជាបានចុះសម្ព័ន្ធភាពជាមួយ FIFA (សមាគមសហព័ន្ធបាល់ទាត់អន្តរជាតិ) ក្នុងឆ្នាំ១៩៥៣។ ហើយបានចូលជាមួយ AFC (សហព័ន្ធបាល់ទាត់អាស៊ី) ក្នុងឆ្នាំ១៩៥៧ និងនៅក្នុងឆ្នាំ១៩៩៨ កម្ពុជាបានចូលជាសមាជិកជាមួយ AFF (សហព័ន្ធបាល់ទាត់អាស៊ីអាគ្នេយ៍) ។

ការផ្លាស់ប្តូរឈ្មោះរបស់សហព័ន្ធ

សហព័ន្ធបាល់ទាត់របស់កម្ពុជាដំបូងបង្កើតក្នុងឆ្នាំ១៩៩៣ ដោយមានឈ្មោះដំបូងថា សមាគមន៍សហព័ន្ធបាល់ទាត់ខ្មែរ (ស.ស.ប.ខ.)។ ក្នុងឆ្នាំ១៩៩៨បានប្តូរឈ្មោះជាកម្ពុជាសហព័ន្ធបាល់ទាត់ (ក.ស.ប.)។ ហើយក្នុងឆ្នាំ២០០៦បានប្តូរឈ្មោះម្តងទៀតមកជាសហព័ន្ធបាល់ទាត់កម្ពុជា (ស.ប.ក.)

បាល់ទាត់ក្នុងសម័យពលពត

ក្នុងអំឡុងពេលកម្ពុជាធ្លាក់ក្នុងរបបពលពត នាឆ្នាំ១៩៧៥ ដល់១៩៧៩បាល់ទាត់ត្រូវបានបិទទាំងស្រុង។ ក្នុងឆ្នាំ១៩៧៩ក្រោយរំដោះ សហព័ន្ធបានបើកដំណើការវិស័យបាល់ទាត់ឡើងវិញប៉ុន្តែមិនបានចូលក្នុងការប្រកួតជាអន្តរជាតិនោះទេ។

ក្នុងឆ្នាំ១៩៩៥  ក្រុមបាល់ទាត់ជំរើសជាតិកម្ពុជាបានលេងក្នុងស៊ីហ្គេមដែលធ្វើឡើងក្នុងប្រទេសថៃ។ ក្នុងឆ្នាំ១៩៩៧ ជំរើសកម្ពុជាបានប្រកួតបាល់ទាត់ស្មើនិងជំរើសជាតិឥណ្ឌូនេស៊ី ១ ស្មើ ក្នុងព្រឹត្តិការជំរុះបាល់ទាត់ពិភពលោកដែលការប្រកួតបានធ្វើនៅទីក្រុងភ្នំពេញ។ ក្នុងឆ្នាំដដែល កម្ពុជាបានឈ្មះជំរើសជាតិមីយ៉ាន់ម៉ា និងព្រុយនេក្នុងព្រឹត្តិការស៊ីហ្គេមដែលប្រទេសឥណ្ឌូនេស៊ីជាម្ចាស់ផ្ទះ។ ក្នុងឆ្នាំ២០១៥ ក្រុមជំរើសជាតិកម្ពុជាបានធ្វើកំណត់ត្រាប្រវត្តិសាស្រ្តដោយបានឡើងវគ្គជំរើសជុំទី២ ក្នុងការប្រកួតបាល់ទាត់ពិភពលោក២០១៨។
កម្ពុជាសព្វថ្ងៃ បាននិងកំពុងអភិវឌ្ឍន៍វិស័យបាល់ទាត់ ដោយផ្អែកលើស្តង់ដាររបស់សហព័ន្ធបាល់ទាត់ពិភពលោកនិងសហព័ន្ធបាល់ទាត់អាស៊ី។ កម្ពុជាមានការបណ្តុះបណ្តាលគ្រូបង្វឹក អជ្ញាកណ្តាលជារឿយៗ។ សហព័ន្ធបាល់ទាត់កម្ពុជាក៏បានរៀបចំការប្រកួតពានរង្វាន់បាល់ទាត់ជាច្រើនក្នុងប៉ុន្មានឆ្នាំចុងក្រោយនេះដូចជា ការប្រកួតបាល់ទាត់លីកកំពូលកម្ពុជាមិតហ្វូន ការប្រកួតពានរង្វាន់សម្តេចហ៊ុនសែន ការប្រកួតបាល់ទាត់លីកទី២កម្ពុជា ការប្រកួតបាល់ទាត់នារី និងការប្រកួតបាល់ទាត់ក្នុងសាលជាដើម។ 

នៅក្នុងឆ្នាំ២០១៦ កម្ពុជាបានបង្កើតគណៈកម្មការប្រកួតបាល់ទាត់ជាតិកម្ពុជា (គ.ប្រ. ប. ជ. ក.) ដើម្បីពង្រឹងការរៀបចំការប្រកួតបាល់ទាត់ទាំងអស់នៅក្នុងប្រទេស។
អសយដ្ឋាន: Road Kab Srov, Phoum Cheng Meng, Sangkat Samrong Krom, Khan Dangkor, PHNOM PENH, Kingdom of Cambodia
លេខទូរស័ព្ទ : +855 23 364 889/23 367 191
​​​​​​                     +855 12 619 889
ទូរសារ : +855 23 223 537
អ៊ីមែល : ffc.cam@gmail.com
ហ្វេសប៊ុក: សហព័ន្ធកីឡាបាល់ទាត់កម្ពុជា
គេហទំព័រសហព័ន្ធ: www.ffcambodia.com
គេហទំព័រគណកម្មការប្រកួតបាល: cncc-football.com/